السحاب

اعضاء وزوار منتديات العوامره
السلام عليكم ✋ورحمة الله وبركاته
انقل لكم هذه القصيده الرائعه وهي
من جديد الشاعر المبدع "حجاج حجي العويمري "
واتمنى ان تنال إعجابكم .

جعل السحاب اللي لقنوفه مزابير
اللي كسح ديجور ظلماه برقه


يستاقه الغربي بحكم المقادير
يجمع شتات النو لاحان فرقه


حتى يتمركز فوق روس العثامير
ويهب له من والي العرش شرقه


ذعذاعها ماله على الغيث تاثير
يرخي ربابينه على هون طرقه


مع هجعة العالم يسوق التباشير
يحيي هشيماً موّت الوقت عرقه


تضيق منه الاوديه والمعاسير
من شاف برّاقه لفح قال غرقه


لاشافه المشتاق ساق المضاهير
يركي على قلبه دوافيع حرقه


ياخذ شهر فوق الجبال المشاهير
لين يتباها فوق الاغصان ورقه


تكسابه الحره بقسمه وتدبير
اعناق عشبه يعجب العين زرقه


تلعب عصافيره بروس النواوير
سند شعيب الراس والعاقر ارقه


ريح الخزامى والنفل والشمطرير
وانواع طلع العشب من كل فرقة


تلقاء مجاهيمه بجنب المغاتير
بدواً ضعاينها بقفره معرقه


مابين مشوال ومواط ومصاغير
يقتاحها صوت المدوّه بسرقه


وتلقاء الجوازي بالمكاسر مخاثير
مايتعب القناص رميه ودرقه


داراً حماها عنتر وعمر وزهير
ربعي سلايل عبس والكايد ارقه

وعليكم السلام ورحمه الله وبركاته ومشكور على النقل ولاهنت وصح لساااان الشاعر

لاهنت علي النقل وبيض الله وجه شاعرها

لاهنتو جميع

صح لسان الشاعر حجاج
وشكرا لك على النقل الرائع عبدالله

صح السان قايلها
ومشكور يابن خيرالله على النقل
وتقبل تحياتي

صح لسان الشاعر حجاج
ومشكور ياعبدالله على النقل

صح لسان الشاعر حجاج
ومشكور ياعبدالله على النقل